tere nisaar saaqiyaa jitanii piyuu.N pilaaye jaa
Rustom Sehgal Wafa
tere nisaar saaqiyaa jitanii piyuu.N pilaaye jaa
mast nazar kaa vaastaa mast mujhe banaaye jaa
tujhako kisii se garaz kyaa bijalii kahii.n giraaye jaa
dil jale yaa jigar jale tuu yuu.N hii muskuraaye jaa
saamane mere aa ke dekh ruKh se naqaab haTaa ke dekh
khilaman-e-dil hai mu.ntazair barq-e-nazar giraaye jaa
'Wafa'-e-badanasiib ko baKhshaa hai tuune dard jo
hai ko_ii is kii bhii davaa itanaa zaraa bataaye jaa